Songtext

Renn ned scho wieder vorbei,
drah di um!
Das Leben is zwar hart,
aber manchmal kriagn mas scho rum.
Die Welt mauerns zua,
und scho wachsen die Wänd zwischen uns.
Kriag ned a no a stoanas Herz,
und erfüll uns an Wunsch!

Laß di foin in irgendan Arm,
und mach d´Arm auf, wenn irgendwer foid.
So halt ma uns inwendig warm,
denn da draußn, da is oft so koid.

Die Engel tragn Schwarz,
und der Herrgott resigniert,
boid is uns as Türl zum Himmel
verbarrikadiert.
Die Bleamen, die Viecherl,
die rucka scho ganz eng zamm,
nur mir wolln a jeder für sich
sei Seligkeit haben.

Laß di foin in irgendan Arm,
und mach d´Arm auf, wenn irgendwer foid.
So halt ma uns inwendig warm,
denn da draußn, da is oft so koid.

Musik und Text

Konstantin Wecker

Abdruckrechte

Sturm & Klang Musikverlag GmbH / Chrysalis Music Holdings GmbH / Alisa Wessel Musikverlag

Erstveröffentlichung

Inwendig warm (1984)

Weitere Veröffentlichungen

Gamsig (1996)
Zwischenräume – Die Studio-Aufnahmen 1973-1987 (2007)