Songtext

Muaßt a wengal näher rucka,
muaßt mi scho no festa drucka,
morgn, da samma dod.

Ham ned sovui Zeit zum Liang,
solltn uns scho heid no kriang,
wei – morgn, da samma dod.

Mei, des werd a Nacht wern heit,
d´Welt werd brenna, und die Leit
lassn si ned los.
Na – mia ham koa Zeit zum Liang,
we heid foid, werd ewig fliang,
morgn, da samma dod.

Könna sovui Spaß no ham,
Hauptsach is, mia rucka zamm,
morgn, da samma dod.

A wenns scho die Messa wetzn,
laß ma uns nix obaschwätzn,
morgn, da samma dod.

Mei, des werd a Nacht wern heit,
d´Welt werd brenna, und die Leit
lassn si ned los.
Na – mia ham koa Zeit zum Liang,
wer heid foid, werd ewig fliang,
morgn, da samma dod.

So a Stund kann ewig währn,
wenn ma immer mehra werdn,
morgn, da samma dod.

So soits immer gwesn sei.
Hoit mi fest und laß mi frei
morgn, da samma dod.

Mei, des werd a Nacht wern heit,
d´Welt werd brenna, und die Leit
lassn si ned los.
Na – mia ham koa Zeit zum Liang,
wer heid foid, werd ewig fliang,
morgn, da samma dod.

Filmmusik zum Fernsehfilm „Martha Dubronski“ (Schweiz 1984)

Musik und Text

Konstantin Wecker

Abdruckrechte

Sturm & Klang Musikverlag GmbH / Chrysalis Music Holdings GmbH / Alisa Wessel Musikverlag

Erstveröffentlichung

Inwendig warm (1984)

Weitere Veröffentlichungen
Zwischenräume – Die Studio-Aufnahmen 1973-1987 (2007)