Songtext

I wuis ned glaubn, des ko doch nimma i sei,
i hör mei Stimm zwoa Meter neba mir.
Und draußd vorm Haus, des muaß d´Gendarmerie sei,
die wolln mi holn, jetzt klopfns scho an d´Tür.

Einfach a bisserl an am Pulver ozogn
und mit am Blitz davo, solang der Vorrat reicht.
Doch diesmal glaub i, bin i ebbas zhoch gflogn,
ma brennt se leicht, wenn ma an Himmel streift.

Tua deine Griffen oba von meim Denga,
du greißlichs Gift, i ko di schnaufa hörn.
Wie kann i mi mia selber wieder schenga,
wer huift ma raus, was laßt mi wieder werdn?

A jeder ko sein Schutzengel verliern.
Der hat zwar a Engelsgeduld,
doch wennsd net aufpaßt, werd a weiterfliegn,
dann bist alloa mit deiner Schuld, und dann werst friern,
und dann werst friern.

Du liaba Engel, laß mi jetzt no net alloa!
I bitt di schee, ziag mi no oamoi nauf.
Ganz ohne Engel san ma alle no vui zkloa.
As nächste Mal paß i bestimmt vui besser auf.

Da draußen hockt der Tag grad bei der Brotzeit.
Wer macht des Fenster auf? Warum net i?
Mia werdn de Arm so schwer. I bin wia eigschneit.
I müaßt mi selber auftaun. Irgendwie.

Und du woaßt ganz genau, daß i net durchhalt.
I bin zu zwoat. Und oana werd scho schwach.
Du druckst di her, bis d´Tür endgültig zuafallt.
Und jetzt, bist zfriedn? Hörst? I lach. I lach.

I lach mi selber aus, hörst wia verlogn?
I lach mir jedsmal mehr a stoanas Herz.
Wenns aus is, sogt ma, werdn die Herzen gwogn.
Fliagt dann des mei no himmelwärts?

A jeder ko sein Schutzengel verliern.
Der hat zwar a Engelsgeduld,
doch wennsd net aufpaßt, werd a weiterfliegn,
dann bist alloa mit deiner Schuld, und dann werst friern,
und dann werst friern.

Du liaba Engel, laß mi jetzt no net alloa!
I bitt di schee, ziag mi no oamoi nauf.
Ganz ohne Engel san ma alle no vui zkloa.
As nächste Mal paß i bestimmt vui besser auf.

Musik und Text

Konstantin Wecker

Abdruckrechte

Sturm & Klang Musikverlag GmbH / Chrysalis Music Holdings GmbH / Alisa Wessel Musikverlag

Erstveröffentlichung

Liebesflug (1981)

Weitere Veröffentlichungen

Live in Muenchen (1981)
Zwischenräume – Die Studio-Aufnahmen 1973-1987 (2007)